ތ.ހިރިލަންދޫގައި އިމާރާތްކުރެވުނު ފެނަކަ އައު އޮފީސް އިމާރާތް ރައީސް އިބްރާހިމް މުހައްމަދު ސޯލިހު ހުޅުވައިދެއްވައިފިއެވެ.
ޒަމާނީ ވަސީލަތްތަކާއެކު ހިރިލަންދޫގައި އިމާރާތްކުރެވުނު ފެނަކަ އައު އޮފީސް އިމާރާތުގައި 30 މުވައްޒަފުންނަށް އެއްފަހަރާ މަސައްކަތް ކުރެވޭނެ ކަމަށް އެ ކުންފުނިން ބުނެއެވެ.
ފެނަކައިން ބުނީ، އައު އޮފީސް އިމާރާތުގައި ރިސެޕްޝަން ސަރަހައްދަކާއި، މެނޭޖަރ ރޫމެއްގެ އިތުރުން މީޓިންގް ރޫމެއް ހުންނާނެ ކަމަށެވެ.
މި އޮފީސް އިމާރާތުން ކަރަންޓު، ފެން، ނަރުދަމާ އަދި މަސްވެރިންނަށް އައިސް ވިއްކުމުގެ ހިދުމަތް އެއް ފުރާޅެއްގެ ދަށުން ލިބިގެންދާނެ ކަމަށް ފެނަކައިން ބުނެއެވެ.
