ހައި ކޯޓާއި، ސިވިލް ކޯޓުގެ އިސް ފަނޑިޔާރުގެ މަގާމަށް ކުރިމަތިލުމުގެ ފުރުސަތު ޖުޑީޝަލް ސާވިސް ކޮމިޝަން (ޖޭއެސްސީ) ހުޅުވާލައިފިއެވެ.
ޖޭއެއެސްސީން ބުނީ، ހައި ކޯޓާއި، ސިވިލް ކޯޓުގެ އިސް ފަނޑިޔާރު ކަމުގެ މަގާމަށް ކުރިމަތިލުމަށް އިއްޔެއިން ފެށިގެން ހުޅުވާލާފައިވާ ކަމަށާއި، އިސް ފަނޑިޔާރަކަށް ކުރިމަތިލެވޭނީ އެ ކޯޓެއްގައި މަސައްކަތް ފަނޑިޔާރުންނަށް ކަމަށެވެ.
ހައި ކޯޓުގެ އިސް ފަނޑިޔާރު ކަމަށް ހުޅުވާލި ފުރުސަތުގެ ސުންގަޑި މި މަހު 20 ވަނަ ދުވަހުގެ މެންދުރު 12:00 ނިޔަލަށް ހަމަވާއިރު، ސިވިލް ކޯޓުގެ އިސް ފަނޑިޔާރު ކަމަށް ކުރިމަތިލުމަށް ފުރުސަތު ހުޅުވާލާފައި ވަނީ މި މަހުގެ 19 ވަނަ ދުވަހުގެ މެންދުރު 12:00 ގެ ނިޔަލަށެވެ.
