ރައީސް އިބްރާހިމް މުހައްމަދު ސޯލިހު ދެވަނަ ދައުރަކަށް އިންތިހާބު ކުރާނީ އެއްބުރުން ކަމަށް އަދާލަތު ޕާޓީގެ ރައީސް އަދި ހޯމް މިނިސްޓަރ އިމްރާން އަބްދުﷲ ވިދާޅުވެއްޖެއެވެ.
އިމްރާން މިއަދު ކުރެއްވި ޓުވީޓެއްގައި ވިދާޅުވީ، އެމްޑީޕީ އާއި އަދާލަތުގެ އިތުރުން އެމްޑީއޭ އެކުލެވޭ ކޯލިޝަނަކަށް ރައީސް ސޯލިހު ދެވަނަ ދައުރަކަށް އެއްބުރުން އިންތިހާބު ކުރެވޭނެ ކަމަށެވެ.
މިގޮތުން ކުރިޔަށް އޮތް ރިޔާސީ އިންތިހާބުގައި ހިތްވަރާއެކު މަސައްކަތް ކޮށްފިނަމަ، ރައީސް ސޯލިހުއަށް 51.2 އިންސައްތަ ވޯޓު ލިބޭނެ ކަމަށްވެސް އިމްރާން ވަނީ ވިދާޅުވެފައެވެ.
ކުރިޔަށް އޮތް ރިޔާސީ އިންތިހާބުގައި އެމްޑީޕީއާއެކު އަދާލަތުގެ އިތުރުން އެމްޑީއޭ އިން ވަނީ ކޯލިޝަން ހެދުމަށް ނިންމާފައެވެ.
