ރައީސް އިބްރާހިމް މުހައްމަދު ސޯލިހުގެ މޮޓޯކޭޑަށް ހުރަސްއެޅި މައްސަލައިގައި ހައްޔަރު ކުރި ހަތަރު މީހުންނަށް ކޯޓުން މުއްދަތު ޖަހައިފިއެވެ.
ފުލުހުން ބުނީ، ރައީސްގެ މޮޓޯކޭޑަށް ހުރަސްއެޅި މައްސަލައިގައި ހައްޔަރުކުރި ހަތަރު ފިރިހެނުންގެ ތެރެއިން ދެ މީހުންނަށް ކްރިމިނަލް ކޯޓުން 15 ދުވަސް ޖަހާފައިވާއިރު، އަނެއް ދެ މީހުންނަށް 5 ދުވަސް ޖަހާފައިވާ ކަމަށެވެ.
މީގެއިތުރުން ރޭ ޕީޕީއެމް އިން ކުރި މުޒާހަރާގައި ހައްޔަރުކުރި 17 މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ޝަރުތުތަކާއެކު ވަނީ ދޫކޮށްލާފައެވެ.
