އައްޑޫ ސިޓީ ފޭދޫގައި ގެނބިގެން އެ ރަށަށް ނިސްބަތްވާ ހަ އަހަރުގެ ތުއްތު ކުއްޖަކު ނިޔާވެއްޖެއެވެ.
ފުލުހުން ބުނީ، ފޭދޫ ޓްރެކް ސަރަހައްދުގައި އިން ރެސްޓޯރެންޓަކަށް އާއިލާއާއިއެކު ދިޔަ ކުޑަކުއްޖެއް ގެއްލިގެން ހޯދަމުން ދަނިކޮށް މޫދުތެރޭ އޮތް ކަމަށް މިއަދު 17:50 ހާއިރު މައުލޫމާތު ލިބިފައިވާ ކަމަށާއި، އެ ކުއްޖާ ނިޔާވީ ފޭދޫ ސިއްހީ މަރުކަޒުން ފަރުވާ ދިނުމަށްފަހު އައްޑޫ އިކުއަޓޯރިއަލް ހޮސްޕިޓަލުގައި އިތުރު ފަރުވާ ދެމުން ދަނިކޮށް ކަމަށެވެ.
މިކަމާ ގުޅިގެން ބަލަންޖެހޭ ކަންތައް ބަލަމުންދާ ކަމަށް ފުލުހުން ބުނެއެވެ.
