ދަރަވަންދޫ ޑޮމެސްޓިކް އެއާޕޯޓަށް މޯލްޑިވިއަންގެ ދަތުރުތައް އަލުން ފެށުމަށް ނިންމައިފިއެވެ.
މޯލްޑިވިއަން އިން ބުނީ، އަންނަ ޖޫން މަހުގެ 15 ވަނަ ދުވަހުން ފެށިގެން އެ ކުންފުނިން ދަރަވަންދޫ ޑޮމެސްޓިކް އެއާޕޯޓަށް އެތެރޭގެ އުދުހުންތައް އަލުން ފެށުމަށް ނިންމާފައިވާ ކަމަށެވެ.
ދިގު މުއްދަތަކަށްފަހު މޯލްޑިވިއަންގެ ދަތުރުތައް ދަރަވަންދޫއަށް ފަށާއިރު، ދުވާލަކު އެއް ފްލައިޓް އެޅުމަށް ހަމަޖެހިފައިވާ ކަމަށް މޯލްޑިވިއަން އިން ބުނެއެވެ. އަދި މިއާއެކު ބ.އަތޮޅަށް ދަތުރުކުރާ ފަރާތްތަކަށް އިތުރު ފަސޭހަތަކެއް ލިބިގެންދާނެ ކަމަށްވެސް އެ ކުންފުނިން ބުނެއެވެ.
