ތ.ގާދިއްފުށި ގޮނޑުދޮށް ހިމާޔަތްކުރުމުގެ މަސައްކަތް ނިންމާލެވިފައިވާ ކަމަށް އެމްޓީސީސީން ބުނެފިއެވެ.
އެމްޓީސީސީން ބުނީ، މި މަޝްރޫޢުގެ ދަށުން 15 މީޓަރުގެ ސަރަޙައްދެއްގައި ގްރޮއިން ޖަހައި، 500 މީޓަރުގެ ސަރަޙައްދެއްގައި ރިވެޓްމެންޓް ޖަހައި އަދި 18,894 ކިއުބިކް މީޓަރުގެ ވެލި ގޮނޑުދޮށަށް އެޅުމުގެ މަސައްކަތް ކުރެވުނު ކަމަށެވެ.
މީގެއިތުރުން މި މަޝްރޫއަށް 19.13 މިލިއަން ރުފިޔާ ހަރަދުވި ކަމަށްވެސް އެމްޓީސީސީން ބުނެއެވެ.
ގާދިއްފުށީގައި ރަށް ގިރުމުގެ މައްސަލަ އެންމެ ބޮޑު ތުނޑީކޮޅު ސަރަހައްދު ކަމަށްވާއިރު، މި މަޝްރޫއާއެކު އެ ސަރަހައްދު ވަނީ ހިމާޔަތްކުރެވިގެން ގޮސްފައެވެ.
