ރައްޔިތުންގެ މަޖިލިސްގެ ނައިބްރައީސްކަމުން ގަލޮޅު އުތުރު ދާއިރާގެ މެމްބަރ އީވާ އަބްދުﷲ ވަކިކުރުމުގެ މަސައްކަތް އެމްޑީޕީގެ ޕާލިމަންޓްރީ ގްރޫޕުން ފަށައިފިއެވެ.
"ތޭވީސް" އަށް މައުލޫމާތު ލިބިފައިވާ ގޮތުގައި އީވާ ނައިބްރައީސްކަމުން ވަކިކުރުމުގެ މަސައްކަތް އެމްޑީޕީ ޕީޖީން ފަށާފައިވާއިރު، މަގާމުން ވަކިކުރަން ހުށަހަޅަން ބޭނުންވާ ސޮއި ވަނީ ލިބިފައެވެ.
މަޖިލިސް ނައިބްރައީސްކަމުން އީވާ ވަކިކުރުމުގެ މަސައްކަތް ފަށާފައި މިވަނީ އޭނާ އެމްޑީޕީގެ މެމްބަރުކަމުން މިއަދު ވަކިވެފައި ވަނިކޮށެވެ.
