ރައްޔިތުންގެ މަޖިލީހުގައި މިނިވަން މެމްބަރެއްގެ ގޮތުގައި ހުންނެވި ނިލަންދޫ ދާއިރާގެ އަބްދުލް މުހުސިން ހަމީދު (ޖޭފޯ) އެމްޑީޕީއަށް ސޮއިކުރައްވައިފިއެވެ.
އަބްދުލް މުހުސިން ހަމީދު އެމްޑީޕީއަށް ސޮއިކުރައްވާފައި ވަނީ ރައީސް އިބްރާހިމް މުހައްމަދު ސޯލިހު ފ.އަތޮޅަށް ކުރައްވާ ދަތުރުފުޅުގެ ތެރެއިންނެވެ. އަދި އޭނާއާއެކު ގިނަ އަދަދެއްގެ ބަޔަކުވެސް ވަނީ ޕާޓީއާ ގުޅިފައެވެ.
ރައީސް ސޯލިހުގެ ސަރުކާރުން ކުޑަ ރަށެއް ބޮޑު ރަށެއް ތަފާތު ނުކުރުމުގެ ސިޔާސަތުގެ ދަށުން ނިލަންދޫއަށް ގެންނަމުން އަންނަ ތަރައްގީއަށް އަބްދުލް މުހުސިން ހަމީދު ވަނީ ތައުރީފް ކުރައްވާފައެވެ. އަދި އޭނާ ވަނީ މި ސަރުކާރަށް ތައުރީފްކޮށް ވާހަކަދައްކާފައެވެ.
މިއާއެކު މިހާރު ރައްޔިތުންގެ މަޖިލީހުގައި ތިބި އެމްޑީޕީ މެމްބަރުންގެ އަދަދު ވަނީ 55 އަށް އުފުލިފައެވެ.
