ޖުމްހޫރީ ޕާޓީގެ ށ ދާއިރާގެ ރައީސް އަހްމަދު މާހިރު އާއި ށ.އަތޮޅު ކެންޕެއިން މެނޭޖަރު އަބްދުﷲ ޝަފީގް އެމްޑީޕީއަށް ސޮއި ކުރައްވައިފިއެވެ.
އަހުމަދު މާހިރު އާއި އަބްދުﷲ ޝަފީފް އެމްޑީޕީއަށް ސޮއިކޮށްފައިވަނީ އެ ޕާޓީގެ އިސް ލީޑަރު ރައީސް އިބްރާހިމް މުހައްމަދު ސޯލިހު އާއި އެމްޑީޕީގެ ތަރުޖަމާން އަނަސް އަބްދުއްސައްތާރު ވަނީ ބައިވެރިވެވަޑައިގެންފައެވެ.
ޖުމްހޫރީ ޕާޓީގެ ށ ދާއިރާގެ ރައީސް އަޙްމަދު މާހިރު އާއި ށ އަތޮޅު ކެންޕެއިން މެނޭޖަރ ޢަބްދުﷲ ޝަފީޤް އެމްޑީޕީއަށް ސޮއި ކުރައްވައިފި.
އެމްޑީޕީއަށް މަރުހަބާ!#Ibu2023 #MDP2023 pic.twitter.com/S0uWFA0Gp5— MDP Secretariat (@MDPSecretariat) June 26, 2023
އެމްޑީޕީއަށް މެމްބަރުން އިތުރުކުރުމަށް ކުރާ މަސައްކަތުގެ ތެރެއިން ޕާޓީއަށް ގިނަ ބަޔަކު އަންނަނީ ސޮއިކުރަމުންނެވެ. އޭގެ ތެރޭގައި މަޖިލިސް މެމްބަރުންނާއި، ކައުންސިލަރުންނާއި އަދި އެހެން ޕާޓީތަކުގައި އިސްކޮށް ހަރަކާތްތެރިވެފައިވާ ފަރާތްތައް ހިމެނެއެވެ.
އެމްޑީޕީއަކީ ހުރިހާ އެންމެންނަށް ހުޅުވާލެވިފައި އޮތް ޕާޓީއެއް ކަމަށް އެމްޑީޕީގެ ޗެއާޕާސަން ވިދާޅުވެފައިވާއިރު، އެމްޑީޕީގެ އިސް ލީޑަރު ރައީސް އިބްރާހިމް މުހައްމަދު ސޯލިހު ވަނީ ކުރިޔަށް އޮތް ދުވަސްތަކުގައި އެމްޑީޕީއަށް އަދިވެސް ގިނަ ބަޔަކު ޕާޓީއާ ގުޅޭނެކަމުގެ ޔަގީންކަން ދެއްވާފައެވެ.
