ގުޅީފަޅަށް 150 ހެކްޓަރުގެ ބިން އިތުރުކުރުމުގެ ބިޔަ މަޝްރޫއު ރައީސް އިބްރާހިމް މުހައްމަދު ސޯލިހު ފަށްޓަވައިދެއްވައިފިއެވެ.
ނެދެލޭންޑްސްގެ ބޮސްކާލިސް އިން ކުރިޔަށް ގެންދާ ގުޅީފަޅުގެ ދެވަނަ ފިޔަވަހީގެ މަޝްރޫއުގެ ދަށުން 18 މިލިއަން ކިއުބިކް މީޓަރުގެ ވެލި ފަޅަށް އަޅައި، ހިއްކި ސަރަޙައްދު ވަށައިގެން ބޮޑުހިލައިގެ ރިވެޓްމަންޓް ޖެހުމަށް ވަނީ ހަމަޖެހިފައެވެ.
ގުޅީފަޅުގެ ދެވަނަ ފިޔަވަހީގެ މަޝްރޫއު ފައްޓަވައިދެއްވައި ރައީސް ސޯލިހު ވިދާޅުވީ، އިތުރު 150 ހެކްޓަރުގެ ބިން އިތުރުކުރުމާއެކު، ޖުމްލަ ގާތްގަނޑަކަށް 218 ހެކްޓަރު ގުޅިފަޅަށް އިތުރުވެގެންދާނެ ކަމަށާއި، އަދި އެ ބިމުން މާލޭ ރައްޔިތުންނަށް ދޫކުރާ ގޯތިތަކުން، މާލޭގެ ތޮއްޖެހުމާއި ހާސްކަމަށް ކޮންމެވެސްވަރެއްގެ ލުޔެއް ލިބިގެންދާނެ ކަމަށެވެ.
ގުޅީފަޅު ހިއްކުމުގެ މަޝްރޫއަށް 120 މިލިއަން ޑޮލަރު ނުވަތަ ދެ ބިލިއަން ރުފިޔާކަމަށް ސަރުކާރުން ވަނީ ހާމަކޮށްފައެވެ.
