އެމްޑީޕީގެ މެމްބަރުން އިތުރުވެ، ޕާޓީގެ ދަފްތަރުގައި ރަޖިސްޓަރީ ކޮށްފައި ތިބި މެމްބަރުންގެ އަދަދު 58،000 އަށްވުރެ މައްޗަށް އަރައިފިއެވެ.
އިލެކްޝަންސް ކޮމިޝަނުން މިއަދު އާންމުކުރި ސިޔާސީ ޕާޓީތަކުގެ ދަފްތަރުގައި މެމްބަރުން ތިބި އަދަދު ދައްކާގޮތުން ވެރިކަން ކުރާ އެމްޑީޕީގައި މިދިޔަ ޖޫން މަހުގެ ނިޔަލަށް 58،035 މެމްބަރުން ވަނީ ރަޖިސްޓްރީކޮށްފައެވެ.
އެމްޑީޕީގެ ފަހަތުން އެންމެ ގިނައިން މެމްބަރުން ރަޖިސްޓްރީކޮށްފައި ވަނީ 38،831 މެމްބަރުންނާއެކު ޕީޕީއެމްގައެވެ. އަދި ތިންވަނައަށް 22،705 މެމްބަރުންނާއެކު އެންމެ ގިނަ މީހުން ރަޖިސްޓްރީވެފައި ވަނީ ޖުމްހޫރީ ޕާޓީގައެވެ.
— Elections Commission (@ElectionsMv) July 4, 2023
އެމްޑީއޭގައި 10،227 މެމްބަރުން ރަޖިސްޓްރީ ކޮށްފައިވާއިރު، އެމްއެންޕީގައި 9،729 މެމްބަރުން ވަނީ ރަޖިސްޓްރީ ކޮށްފައެވެ. އަދި އަދާލަތު ޕާޓީގައި 9،595 މެމްބަރުން، އެމްޓީޑީގައި 3،014 މެމްބަރުން އަދި ޕީއެންސީގައި 3،139 މެމްބަރުން ވަނީ ރަޖިސްޓްރީ ކޮށްފައެވެ.
މީގެއިތުރުން 3،000 މެމްބަރުން ހަމަނުވެގެން އުވާލަން ނިންމި އެމްއާރްއެމްގައި މިދިޔަ މަހުގެ ނިޔަލަށް ތިބީ 2،892 މެމްބަރުން ކަމަށްވެސް އިލެކްޝަންސް ކޮމިޝަނުން ވަނީ ބުނެފައެވެ.
