އިންޑިއާގެ އެހީގެ ދަށުން ރާއްޖޭގައި ކުރިއަށް ގެންދާ މަޝްރޫޢުތަކާ ގުޅޭގޮތުން ފޮރިން މިނިސްޓަރު އަބްދުﷲ ޝާހިދު އިންޑިއާގެ އެކްސްޓަރނަލް އެފެއާޒް މިނިސްޓަރު ޑރ. ސުބްރަމަންޔަމް ޖައިޝަންކަރާ މަޝްވަރާ ކުރައްވައިފިއެވެ.
އިންޑިއާގެ އެކްސްޓަރނަލް އެފެއާޒް މިނިސްޓަރުގެ ދައުވަތަކަށް އެ ގައުމަށް ކުރައްވާ ރަސްމީ ދަތުރުފުޅުގައި އެކްސްޓާނަލް މިނިސްޓަރު ޑރ.ޖައިޝަންކަރާއެކު ބޭއްވި ބައްދަލުކުރެއްވުމުގައި ރާއްޖެ އާއި އިންޑިއާ އާ ދެމެދު އޮންނަ ބަދަހި ގުޅުން އިތުރަށް ވަރުގަދަކުރުމާ ގުޅޭގޮތުން ވަނީ މަޝްވަރާކުރައްވާފައެވެ.
މީގެއިތުރުން މި ބައްދަލުކުރެއްވުމުގައި އިންޑިއާގެ އެހީގެ ދަށުން ރާއްޖޭގައި ކުރިއަށް ގެންދާ މަޝްރޫޢުތަކާ ގުޅޭގޮތުން މަޝްވަރާ ކުރެވުނު ކަމަށް މިނިސްޓަރު ޝާހިދު ކުރެއްވި ޓުވީޓުގައި ވަނީ ވިދާޅުވެފައެވެ.
މިއީ މި އަހަރު އިންޑިއާއަށް މިނިސްޓަރު ޝާހިދު ރަސްމީ ދަތުރުފުޅެއްގައި ވަޑައިގެންނެވި ދެވަނަ ފަހަރު ކަމަށްވާއިރު، މި ދަތުރުފުޅުގައި އިންޑިއާ ދެމެދު ރަސްމީ ބައްދަލުވުންތައް ކުރިޔަށް ގެންދިޔުމާއެކު ބައެއް އެއްބަސްވުންތަކުގައިވެސް ސޮއިކުރައްވާނެއެވެ.
