މާލެ ސިޓީގައި މިހާރު ފެތުރެމުން އަންނަ ނޯރޯވައިރަސްގެ ރޯގާގެ އަލާމާތެއް ހުރި ނަމަ، ހޯމް މިނިސްޓްރީ އާއި އާބަންކޯ ގުޅިގެން މިރޭ ހުޅުމާލޭގައި ބާއްވާ މިނިވަން ކާނިވަލްއަށް ނުދިޔުމަށް އިލްތިމާސްކޮށްފިއެވެ.
އާބަންކޯއިން ބުނީ، މިނިވަން އުފާ ކާނިވަލް މިރޭ ބޭއްވުމަށް ހަމަޖެހިފައިވާއިރު، ކާނިވަލްއަށްދާ ހުރިހާ އެންމެންވެސް ރައްކާތެރި ފިޔަވަޅު އެޅުމަށާއި، އަދި ބަލީގެ އެއްވެސް އަލާމާތެއް ހުރި ނަމަ ކާނިވަލްއަށް ޒިޔާރާތް ނުކުރުމަށް އިލްތިމާސް ކުރާ ކަމަށެވެ.
ކާނިވަލަށް ޒިޔާރަތް ކުރައްވާ ފަރާތްތަކުން ސަމާލުކަން ދޭންވީ ކަންކަން:
- ބަލީގެ އެއްވެސް އަލާމާތެއް ހުރިނަމަ ޒިޔާރަތް ނުކުރުން
- ކާނިވަލުގައި އުޅުއްވާއިރު ވީހާވެސް ގައިދުރުކަން ބެހެއްޓުން
- ގިނަގިނައިން އަތް ދޮވުން
މިރޭ 8:30 ގައި މިނިވަން އުފާ ކާނިވާ ރަސްމީކޮށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ހުޅުވައިދެއްވުމަށް ހަމަޖެހިފައިވާއިރު. ކާނިވަލްގެ ހަރަކާތްތަކުގެ ތެރޭގައި ޑްރޯން ޝޯވއާއި، ޕެރަމޮޓޯގެ ހަރަކާތްތަކާއި،ސްޓޭޖް ހަރަކާތްތަކާއި، ހަވާއެރުވުން އޮންނާނެ ކަމަށް އިންތިޒާމްކުރާ ފަރާތްތަކުން ބުނެއެވެ.
