ޒަމާނީ ފެންވަރަށް ތަރައްގީ ކުރަމުން އަންނަ އަމީނީ މަގުގައި އެންމެ ފަހުން ތާރު އަޅައި ނިންމި ސެގްމަންޓް 8 އަދި 9 އާންމުންނަށް ހުޅުވާލައިފިއެވެ.
އާރްޑީސީން ބުނީ، އަމީނީ މަގުގެ ސެގްމަންޓް 8 އަދި 9 ގައި ތާރު އެޅުމަށްފަހު ކުރަން ޖެހޭ މަސައްކަތްތައް ކުރުމަށްފަހު މިއަދު އެ ސެގްމަންޓްތައް ހުޅުވާލާފައިވާ ކަމަށެވެ.
އަމީނީ މަގު ހެދުމުގެ މަޝްރުއުގައި 13 ސެގްމަންޓް ހިމެނޭއިރު، އޭގެ ތެރެއިން 7 ސެގްމަންޓްގައި ތާރު އަޅައި ޒަމާނީ ފެންވަރަށް ތަރައްގީކޮށް އާންމުންނަށް މިހާރު ވަނީ ހުޅުވާލާފައެވެ.
މި މަޝްރޫއުގެ ދަށުން 1.79 ކިލޯމީޓަރުގެ މަގުގައި ތާރު އަޅައި ޒަމާނީ ފެންވަރަށް ތަރައްގީކުރާނެއެވެ. އަދި މަޝްރޫއަށް 84.4 މިލިޔަން ރުފިޔާ ހަރަދުވާނެއެވެ.
