އެމްޑީޕީ އިން މާލޭ ސަރަހައްދަށްް ހުށަހަޅާ ތަސައްވަރު އަންނަ ހުކުރު ދުވަހު ހާމަކުރާނެ ކަމަށް އެ ޕާޓީން ބުނެފިއެވެ.
އެމްޑީޕީން ބުނީ، އުފާވެރި އަމާން ރާއްޖެ ކެމްޕޭން ޖަލްސާ އަންނަ ހުކުރު ދުވަހުގެ ރޭ 08:30 ގައި ކާނިވާ ސަރަހައްދުގައި އޮންނާނެ ކަމަށާއި، މި ޖަލްސާގައި އެމްޑީޕީ އާއި ގުޅިފައިވާ ޕާޓީތަކުގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހު އާއި ގުޅިފައިވާ ޕާޓީތަކުގެ ލީޑާޝިޕުން ބައިވެރިވެވަޑައިގަންނަވާނެ ކަމަށެވެ.
ރިޔާސީ އިންތިހާބުގެ ކެމްޕޭނުގައި ރައީސް ސޯލިހު އާއި އެމަނިކުފާނުގެ ރަނިންމޭޓް މުހައްމަދު އަސްލަމް އަންނަނީ ރާއްޖޭގައި މީހުން ދިރިއުޅޭ ރަށްތަކަށް ދަތުރުކުރައްވާ އެމްޑީޕީން ކުރިޔަށް އޮތް ފަސް އަހަރަށް ހުށަހަޅާ ސިޔާސަތުތަކާއި ޕްލޭންތައް ހުށަހަޅުއްވަމުންނެވެ. އަދި ގިނަ އަދަދެއްގެ ބަޔަކު އަންނަނީ ރައީސް ސޯލިހުއަށް ތާއީދުކުރައްވާކަން ހާމަކުރަމުންނެވެ.
