ށ.މިލަންދޫ މަގުތައް ޒަމާނީ ފެންވަރަށް ތަރައްގީ ކުރުމުގެ މަޝްރޫއުގެ ދަށުން އެ ރަށުގެ މަގުތަކުގައި ތާރު އެޅުމުގެ އަމަލީ މަސައްކަތް އާރްޑީސީން ފަށައިފިއެވެ.
އާރްޑީސީން ބުނީ، މަޝްރޫއުގެ ދަށުން އެރަށު ދުނބުރިމަގާއި ކަލާފާނު ހިނގުމާއި ރޯޝަނީމަގުގެ އިތުރުން ހުރަވީމަގު 1 ގައި އެގްރިގޭޓް ބޭސް ކޯސް (އޭބީސީ) ފަށަލަ އަޅުމުގެ މަސައްކަތްވަނީ ނިމިފައި ކަމަށާއި، އަދި ޣާޒީމަގުގައި އޭބީސީ ފަށަލަ އެޅުމުގެ މަސައްކަތް އަންނަނީ ކުރަމުން ކަމަށެވެ.
މި މަޝްރޫޢުގެ ދަށުން މިލަންދޫގެ 8 މަގެއް ތާރު އަޅައިގެން ޒަމާނީ ފެންވަރަށް ތަރައްގީ ކުރާނެއެވެ. އަދި މަޝްރޫއަށް 156.4 މިލިއަން ރުފިޔާ ހަރަދުވާނެއެވެ.
