އެމްޑީޕީގެ އިސް ލީޑަރު، ރައީސް އިބްރާހިމް މުހައްމަދު ސޯލިހު މިރޭ މާލޭގެ އެމްޑީޕީ މެމްބަރުންނާ ބައްދަލުކުރައްވާ ގޮތަށް ހަމަޖެހިއްޖެއެވެ.
މިރޭ 20:30 ގައި ދަރުބާރުގޭގައި އޮންނަ މި ބައްދަލުވުމުގައި މާލޭގެ އެމްޑީޕީ މެމްބަރުންނާ ބައްދަލުކުރެއްވުމުގެ އިތުރުން ކެމްޕޭނު ޓީމުތަކާވެސް ރައީސް ސޯލިހު ބައްދަލުކުރައްވާނެއެވެ.
ރައީސް ސޯލިހު ވަނީ މިދިޔަ ހަފްތާ އަދި މި ހަފްތާގައި އަތޮޅު ތެރޭގައިވެސް ކެމްޕޭން ކުރައްވާފައެވެ. އެގޮތުން އެމަނިކުފާނު ވަނީ ނ، ރ، ބ އަދި ޅ އަތޮޅުގެ ރަށްތަކަށް ވަޑައިގެން، ރައްޔިތުންނާ ބައްދަލުކުރައްވައި، ދޮރުން ދޮރަށްވެސް ހިންގަވާފައެވެ.
