ރިޔާސީ އިންތިހާބުގެ ދެވަނަ ބުރުގައި ރާއްޖެއިން ބޭރުގައި ވޯޓުލުމަށް ރަޖިސްޓްރީ ކޮށްފައި ވަނީ 6،223 މީހުން ކަމަށް އިލެކްޝަންސް ކޮމިޝަނުން ބުނެފިއެވެ.
އިލެކްޝަންސް ކޮމިޝަންގެ ނައިބުރައީސް އިސްމާއިލް ހަބީބު ވިދާޅުވީ، ރިޔާސީ އިންތިހާބުގެ ފުރަތަމަ ބުރުގައި ރާއްޖެއިން ބޭރުގައި ވޯޓުލުމަށް 3،327 މީހުން ރަޖިސްޓްރީ ކުރި ނަމަވެސް، ދެވަނަ ބުރުގައި 6،223 މީހުން ރާއްޖެއިން ބޭރުގައި ވޯޓުލާން ރަޖިސްޓްރީވެފައިވާ ކަމަށެވެ.
ރިޔާސީ އިންތިހާބު 2023 ގެ ފުރަތަމަ ބުރުގައި، ރާއްޖޭން ބޭރުގައި ވޯޓުލުމަށް ރަޖިސްޓަރީ ކޮށްފައިވަނީ 3327 މީހުން.
ދެވަނަބުރުގައި، ރާއްޖޭން ބޭރުގައި ވޯޓުލުމަށް ރަޖިސްޓަރީ ކޮށްފައިވަނީ 6223 މީހުން.#visnun23 @ElectionsMv @presidencymv @mvpeoplesmajlis @psmnewsmv @MDPSecretariat… pic.twitter.com/GjU9s6D6ge— Ismail Habeeb (@IsmailHabeeb) September 25, 2023
ރިޔާސީ އިންތިހާބުގެ ދެވަނަ ބުރުގައި ބޭރު ގައުމުތަކުގައި ވޯޓުލާން ރަޖިސްޓްރީވި 6،223 މީހުން ވޯޓުލާ ގައުމުތައް:
- ޔޫއޭއީ – 442 މީހުން
- އިންޑިއާ – 1،063 މީހުން
- ސްރީލަންކާ – 1،310 މީހުން
- މެލޭޝިއާ – 2.520 މީހުން
- ޔޫކޭ – 888 މީހުން
