އިޒްރޭލުން ފަލަސްތީނަށް ދެމުން އަންނަ ހަމަލާތަކާ ގުޅިގެން ފަލަސްތީނުގައި ހާލުގައި ޖެހިފައި ތިބި މީހުންނަށް އެހީވުމަށް ސްޓެލްކޯއިން ފަސް ލައްކަ ރުފިޔާ ހަދިޔާކޮށްފިއެވެ.
ސްޓެލްކޯއިން ފަލަސްތީނަށް އެހީވުމަށް އެ ކުންފުނީގެ ސީއެސްއާރުގެ ދަށުން ފަސް ލައްކަ ރުފިޔާ ހަދިޔާކޮށްފައި ވަނީ އިންޓަނޭޝަނަލް އެއިޑް އިން ކުރިޔަށްގެންދާ "އަހަރުމެން ފަލަސްތީނާއެކު" ފަންޑަށެވެ.
ފަލަސްތީނަށް އެހީވުމުގެ ގޮތުން ރާއްޖޭގައި ބޮޑު ކެމްޕޭނެއް ކުރިޔަށްދާއިރު، ފަލަސްތީނާއެކު ދިވެހިން ތިބިކަން އަންގައިދިނުމަށް ގިނަ ހަރަކާތްތަކެއް މިދިޔަ ދެ ހަފްތާ ތެރޭގައި ވަނީ ބާއްވާފައެވެ.
