ފަލަސްތީނުގައި ހާލުގައި ޖެހިފައި ތިބި ރައްޔިތުންނަށް އެހީވުމަށް ފަންޑް ރައިސިންގް އިވެންޓްއެއް އަންނަ ހުކުރު ދުވަހު ބޭއްވުމަށް އާބަންކޯއިން ނިންމައިފިއެވެ.
އާބަންކޯއިން ބުނީ، ފަލަސްތީނުގައި ހާލުގައި ޖެހިފައި ތިބި ނިކަމެތި ރައްޔިތުންނަށް އެހީތެރިވުމުގެ ގޮތުން ބާއްވާ ފަންޑްރައިސިންގް އިވެންޓް އޮންނާނީ ހުކުރު ދުވަހު ހަވީރު 04:00 އިން 06:00 އަށް އަދި ރޭގަނޑު 08:00 އިން 10:00 އަށް ސެންޓްރަލް ޕާކުގައި ކަމަށެވެ.
މި އިވެންޓްގައި ފުޑް ސްޓޯލް، ޖަމްބަލް ސޭލް އަދި ކުޑަކުދިންނަށް ހާއްސަ ތަފާތު ހަރަކާތްތައް ކުރިއަށް ގެންދެވޭނެ ކަމަށާއި، މިގޮތުން މި ހަރަކާތްތައް މެދުވެރިކޮށް ލިބޭ ހުރިހާ ފައިސާއެއް ފަލަސްތީނުގެ ރައްޔިތުންނަށް އެހީތެރިވުމަށް ދެވިގެންދާނެ ކަމަށް އާބަންކޯއިން ބުނެއެވެ.
މި އިވެންޓްގައި ވީހާވެސް ގިނަ ބޭފުޅުން ބައިވެރިވެ، ފަލަސްތީނުގައި ހާލުގައި ޖެހިފައިވާ ރައްޔިތުންނަށް އެހީތެރިވުމަކީ އާބަންކޯ އިން ވަނީ އެދިފައެވެ.
