ސިންގަޕޫރަށް ކުރެއްވި 5 ދުވަހުގެ ނުރަސްމީ ދަތުރުފުޅަށްފަހު އިންތިހާބީ ރައީސް ޑރ.މުހައްމަދު މުއިއްޒު އެނބުރި މިއަދު ރާއްޖެ ވަޑައިގެންފިއެވެ.
ޑރ.މުއިއްޒު ސިންގަޕޫރަށް ވަޑައިގެންނެވީ މިދިޔަ ހޯމަ ދުވަހުގެ ރޭ ކަމަށްވާއިރު، ދަތުރުފުޅާ ބެހޭ ތަފްސީލެއް އިންތިހާބީ ރައީސްގެ އޮފީހުން ހާމައެއް ނުކުރެއެވެ.
އިންތިހާބީ ރައީސް ހުވާ ކުރެއްވުމުގެ ރަސްމިއްޔާތު މި މަހުގެ 17 ވަނަ ދުވަހު ބޭއްވުމަށް ހަމަޖެހިފައިވާއިރު، ހުވާ ކުރެއްވުމުގެ ރަސްމިއްޔާތަށް ޖުމްހޫރީ މައިދާން އަންނަނީ ތައްޔާރުވަމުންނެވެ.
