ސިއްހީ ދާއިރާގައި މަސައްކަތް ކުރާ ހުރިހާ މުވަޒަފުންގެ މުސާރަ ބޮޑުވާނެ ކަމަށް ފިނޭންސް މިނިސްޓްރީން ބުނެފިއެވެ.
ފިނޭންސް މިނިސްޓްރީން ބުނީ، ޑޮކްޓަރުންނާއި ނަރުހުން އަދި ސިއްހީ ފަންނީ ދާއިރާގައި ތިބި އެންމެންގެ އިތުރުން ހެލްތު މިނިސްޓްރީގައި މަސައްކަތް ކުރާ އެންމެންގެ މުސާރަވެސް ބޮޑުވާނެ ކަމަށެވެ.
ޑޮކްޓަރުންނާއި ނަރުހުންނާއި ސިއްހީ ހިދުމަތްތެރިންގެ މުސާރަ ބޮޑު ކުރުމަށް ދައުލަތުގެ މި އަހަރުގެ ބަޖެޓުގައި ވަނީ 500 މިލިއަން ރުފިޔާ ކަނޑައަޅައިފަ އެވެ.
މި ސަރުކާރުން ވަނީ މިދިޔަ މެއި މަހުން ފެށިގެން ޓީޗަރުންނާއި ޕްރިންސިޕަލުންގެ މުސާރަ ވަނީ ބޮޑުކޮށްފަ އެވެ.
