މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ގައުމީ މަޖިލިސް ބައްދަލުވުމެއް މިރޭ ބޭއްވުމަށް އެ ޕާޓީން ނިންމައިފިއެވެ.
އެމްޑީޕީން ބުނީ، މިރޭ ބާއްވާ ގައުމީ މަޖިލިސް ބައްދަލުވުމަކީ އެކި ކަންކަން ރާވައި، ކުރިޔަށް އޮތް ދުވަސްތަކަށް ތައްޔާރުވުމަށް ބާއްވާ ބައްދަލުވުމެއް ކަމަށާއި، އެ ބައްދަލުވުމުގެ ކުރިންވެސް މަޝްވަރާ ބައްދަލުވުންތަކެއް ކުރިޔަށްދާނެ ކަމަށެވެ.
އެމްޑީޕީ ގައުމީ މަޖިލީހުގައި ހިމެނޭ ގިނަ މެމްބަރުންތަކެއް މިއަދު ވަނީ އުކުޅަހަށް ގޮސްފައެވެ. އޭގެ ތެރޭގައި މަޖިލިސް މެމްބަރުންނާއި، ޕާޓީގެ ޗެއާޕާސަން ފައްޔާޒް އިސްމާއިލްގެ އިތުރުން ކުރީގެ ސަރުކާރުގެ ބައެއް ވަޒީރުންވެސް ހިމެނިވަޑައިގަންނަވައެވެ.
