އެމްޑީޕީގެ ރައީސްކަން ވަގުތީ ގޮތުން ކުރީގެ ރައީސް އިބްރާހިމް މުހައްމަދު ސޯލިހުއާ ހަވާލުކޮށްފިއެވެ.
އެމްޑީޕީން ރޭ ބޭއްވި ގައުމީ މަޖިލީހުން ނިންމާފައި ވަނީ އެ ޕާޓީއަށް އައު ރައީސަކު އިންތިހާބު ކުރެވެގެންދެން އެ ޒންމާ ރައީސް ސޯލިހުއާ ހަވާލުކުރެއްވުމަށެވެ. މިގޮތުން ގައުމީ މަޖިލީހުގެ 47 މެމްބަރުންގެ އިއްތިފާގުން ރައީސް ސޯލިހު ޕާޓީގެ ވަގުތީ ރައީސަކަށް ގެނައުމަށް ވަނީ ފާސްކޮށްފައެވެ.
އެމްޑީޕީއަށް އައު ރައީސަކު އިންތިހާބު ކުރަން ޖެހިފައި ވަނީ އެ ޕާޓީގެ ކުރީގެ ރައީސް މުހައްމަދު ނަޝީދު ޕާޓީން ވަކިވުމާ ގުޅިގެންނެވެ.
