ކުރީގެ ރައީސް ޔާމީން އަލަށް އުފައްދަވާ ޕާޓީއަކީ "ޕީޕަލްސް ނެޝަނަލް ފްރޮންޓް" (ޕީއެންއެފް) ކަން އިއުލާންކޮށްފިއެވެ.
"އެކްސް" މެދުވެރިކޮށް ޕީއެންއެފްގެ ނަމާއި ލޯގޯ އިފްތިތާހުކޮށްފައިވާއިރު، ޕާޓީ ރަޖިސްޓްރީ ކުރުމަށް މާދަމާ ހުށަހަޅާނެކަން ވަނީ ހާމަކޮށްފައެވެ.
ޕީއެންއެފްއަކީ ޕީޕީއެމްއިން ވަކިވެ، ޔާމީން އިސްވެ ހުންނަވައިގެން އުފެއްދެވި ޕާޓީއެކެވެ. ޔާމީން ޕީޕީއެމްއިން ވަކިވެފައިވަނީ އެ ޕާޓީގެ ކޮންޓްރޯލް ގެއްލުމުންނެވެ. މިގޮތުން އޭނާއަށް ތާއިދުކުރައްވާ ބޭފުޅުން އަލަށް އުފައްދަވާ ޕާޓީއާ ގުޅިވަޑައިގެންނެވުމަށް ވަނީ އެދިފައެވެ.
ރައީސް ޑރ.މުހައްމަދު މުއިއްޒުގެ ސަރުކާރަށް ހަފްތާއެއް ނުވަނީސް ޔާމީން ޕީޕީއެމް ދޫކޮށްލަލާފައިވާއިރު، ޔާމީންގެ ގިނަ ސަޕޯޓަރުން މިހާރު އަންނަނީ ޕީޕީއެމްއިން ވަކިވަމުންނެވެ.
