ނ.މާފަރު އިންޓަނޭޝަނަލް އެއާޕޯޓުން ޖެޓް ފިއުލް ވިއްކަން ތައްޔާރުވެއްޖެއެވެ.
މާފަރު އެއާޕޯޓް ހިންގާ އައިލޭންޑް އެވިއޭޝަން ސާވިސް އިން ބުނީ، މާފަރު އެއާޕޯޓްގައި ޖެޓް ފިއުލް ވިއްކުމަށް ގާއިމުކުރި ވަސީލަތްތައް މިހާރު ޓެސްޓުކުރަން ފަށާފައިވާ ކަމަށާއި، އަންނަ މަހު ހިދުމަތް ދިނުމަށް މަސައްކަތް ކުރަމުން އަންނަ ކަމަށެވެ.
މާފަރު އެއާޕޯޓަކީ ޕްރައިވެޓް ޖެޓް ގިނައިން ޖައްސާ އެއާޕޯޓެކެވެ. މިގޮތުން މިދިޔަ މަހު އެކަނިވެސް އެ އެއާޕޯޓްގައި 100 ޖެޓް މޫވްމަންޓް ވަނީ ރެކޯޑް ކުރެވިފައެވެ.
