މާލޭގައި މިއަދު ހިންގި ގްރޫޕް މާރާމާރީއަކާ ގުޅިގެން ތިން މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.
ފުލުހުން ބުނީ، މިއަދު ހަވީރު ޗީބޯ ކެފޭ ކައިރީގައި ގްރޫޕް މާރާމާރީއެއް ހިންގާފައިވާ ކަމަށާއި، މި މައްސަލައާ ގުޅިގެން 18 އަހަރާއި 22 އަހަރާ އަދި 24 އަހަރުގެ ފިރިހެނެއް ހައްޔަރު ކޮށްފައިވާ ކަމަށެވެ.
މި މައްސަލަ ތަހުގީގު ކުރަމުން އަންނަ ކަމަށް ފުލުހުން ވަނީ ބުނެފައެވެ.
ސޯޝަލް މީޑިއާގައި ދައުރުވަމުންދާ ވީޑިއޯއިން ފެންނަ ގޮތުގައި މާރާމާރީ ހުއްޓުވަން ފުލުހުން މަސައްކަތްވެސް ކުރެއެވެ. އަދި މާރާމާރީ ހިންގުމަށްފަހު ބައެއް މީހުން ފިލަން މަސައްކަތް ކޮށްފައިވާކަންވެސް ވީޑިއޯއިން ފެނެއެވެ.
