މާލެ ސިޓީގެ ގަލޮޅު މެދު ކައުންސިލަރު ރީހާން ނާޒިމް (ރީނު) ދަ ޑިމޮކްރެޓްސްގެ މެމްބަރުކަމުން ވަކިވެއްޖެއެވެ.
ޑިމޮކްރެޓްސް އުފެއްދުމުގައ ހަރަކާތްތެރިވި ރީހާން މިއަދު ކުރެއްވި ޓުވީޓެއްގައި ވިދާޅުވީ، ޑިމޮކްރެޓްސްގެ މެމްބަރުކަމުން ވަކިވުމަށް އެދި ހުށަހަޅާފައިވާ ކަމަށެވެ. ނަމަވެސް ޕާޓީން ވަކިވި ސަބަބެއް ރީހާން ހާމަކޮށްފައެއް ނުވެއެވެ.
ޑިމޮކްރެޓްސްގެ ނިމިދިޔަ އެތެރޭގެ އިންތިހާބުގައި ނާއިބުރައީސް އަންހެންގެ މަގާމަށް ރީހާން ވާދަކުރެއްވިއިރު، އޭނާގެ މައްޗަށް އައިޝަތު އަލައިކާ އަދުނާން ވަނީ ބޮޑުތަފާތަކުން ކުރިހޯއްދަވާފައެވެ.
