ބެންކް އޮފް މޯލްޑިވްސް އިން އއ. މަތިވެރީގައި ސެލްފް ސާވިސް ބޭންކިން އޭޓިއެމްގެ ހިދުމަތް ފަށައިފިއެވެ.
މިއީ ބީއެމްއެލްގެ ބޭންކިންގެ ޚިދުމަތް މުޅި ރާއްޖެއަށް ފުޅާ ކުރުމަށް ކުރަމުންދާ މަސައްކަތުގެ ތެރެއިން ފެށި ޚިދުމަތެއް ކަމަށް ބޭންކުން ބުނެއެވެ.
މަތިވެރީގައި ފެށުނު ޚިދުމަތާއެކު، މަތިވެރިއާއެކު އެ އަތޮޅުގެ ރަސްދޫ، ތޮއްޑޫ އަދި އުކުޅަހުގައި ބީއެމްއެލްގެ ސެލްފް ސާވިސް އޭޓީއެމްގެ ސެންޓަރުތައް ބޭންކުން ވަނީ ގާއިމްކޮށްފައެވެ.
މަތިވެރީގައި ހުޅުވުނު އޭޓީއެމްއާ އެކު މުޅި ރާއްޖޭގެ 20 އަތޮޅުގައި 35 ބްރާންޗު، 83 ސެލްފް ސާވިސް ބޭންކިން ސެންޓަރު އަދި 141 އޭޓީއެމް ބީއެމްއެލް އިން ވަނީ ގާއިމްކޮށްފައެވެ.
