ސްޓެލްކޯއިން މި ހުކުރު ދުވަހު ހާއްސަ ކުޑަކުދިންގެ ހަވީރެއް ބޭއްވުމަށް ނިންމައިފި އެވެ.
ސްޓެލްކޯއިން މިއަދު ބުނެފައިވަނީ މި ކުޑަކުދިންގެ ހަވީރު އޮންނާނީ 6 ޑިސެންބަރު 2024 ވާ ހުކުރު ދުވަހުގެ ހަވީރު 16:00 އިން 18:00 އަށް އަދި ރޭގަނޑު 20:00 އިން 21:30 އަށް ސްޓެލްކޯ ބިޒްނަސް ސެންޓަރު އިމާރާތުގައި ކަމަށެވެ.
ހުރިހާ ކުޑަކުދިންނަށް ހުޅުވާލައިގެން ބާއްވާ މި ކުޑަކުދިންގެ ހަވީރަކީ، ވޭތުވެދިޔަ 6 މަސްދުވަހު ސްޓެލްކޯގެ މުވައްޒަފުން ވަރަށް ބުރަކޮށް މަސައްކަތްކޮށް، ސްޓެލްކޯ ބިޒްނަސް ސެންޓަރު އިމާރާތް ކުރުމުގެ މަސައްކަތް ވަރަށް ފުރިހަމައަށް ނިންމާފައިވާތީ، އެ މުވައްޒަފުންގެ ހިތްވަރާއި ޖޯޝާއި މަސައްކަތުގެ ނަމޫނާ އަދި އަޚްލާގު ފާހަގަކޮށް، އެ މުވައްޒަފުންގެ ހުނަރުވެރިކަން އެ މުވައްޒަފުންގެ އާއިލާތަކަށް ދައްކާލުމާއި އެ އާއިލާތަކުގެ ކުޑަކުދިންނަށް ދައްކާލުމަށް ކަމަށެވެ.
ސްޓެލްކޯގެ ބިޒްނަސް ސެންޓަރަކީ ދެ ބުރިއަށް ހަދާ 7,500 އަކަފޫޓުގެ އިމާރާތެކެވެ. އެ އިމާރާތުން އިންޖީނާއި ޓްރާންސްފޯމަރާއި ކޭބަލްތަކާއި ސްޓްރޭޖް ސިސްޓަމްތަކާއެކު އިޔާދަކުރަނިވި ހަކަތައާ ގުޅޭ ފުރިހަމަ ހައްލުތަކެއް ހޯދައިދޭނެ ކަމަށް ސްޓެލްކޯގެ އެމްޑީ ހުސައިން ފަހުމީ މީގެކުރިން ވިދާޅުވި އެވެ.
