"ޤާނޫނުއަސާސީގެ ދިފާއުގައި"ގެ ނަމުގައި އެމްޑީޕީން ކުރިއަށްގެންދިޔަ ޖަލްސާގައި ބައިވެރިވެ ވާހަކަ ދެއްކި ދުވާފަރު ކައުންސިލްގެ މެންބަރު މަރިޔަމް ޔަޝްފާއަށް ފުލުހަށް ހާޒިރުވާން އަންގައިފި އެވެ.
އެމްޑީޕީގެ ޖަލްސާގައި ޔަޝްފާ ދެއްކި ވާހަކައަށް ގިނަބައެއްގެ ސަމާލުކަން ލިބިފައިވާއިރު އެ ޖަލްސާގައި ޔަޝްފާކި "ތީ ބަހުލޫލެކޭ" ލަވައަށްވެސް ގިނަބައެއްގެ ސަމާލުކަން ލިބިފައިވެ އެވެ.
ދިވެހި ބަހުގެ ރަދީފުގައި "ބަހުލޫލު"ގެ މާނައެއްގެ ގޮތުގައި ބުނެފައިވަނީ މަކަރުވެރިޔާ ނުވަތަ ހީލަތްތެރިޔާ އެވެ.
ޔަޝްފާ ފުލުހަށް ހާޒިރު ކުރަނީ އެމްޑީޕީގެ ޖަލްސާއެއްގައި ދެއްކި ވާހަކައަކާއި ގުޅިގެން ސުވާލު ކުރުމަށް ކަމަށް މައުލޫމާތު ލިބެ އެވެ. ނޮވެންބަރު 11 ގައި އެމްޑީޕީގެ ދަނޑިކޮށި ޖަގަހައިގައި ބޭއްވި ޖަލްސާއެއްގައިވެސް ޔަޝްފާވަނީ ބަންޖެއް ކިޔާފަ އެެވެ.
މިފަހުން ސޯޝަލްމީޑިއާގައި ކުރި ޕޯސްޓަކާއި ގުޅިގެން އެމްޑީޕީގެ ސޯޝަލްމީޑިއާ އެކްޓިވިސްޓް ހުސެއިން ޝާފިއު (ތުއްތު) ވެސް ފުލުހަށް ހާޒިރުކޮށްފައިވެ އެވެ.
