މިހާރު ކުރަމުންދާ ވިއްސާރައިގައި މާލޭގައި ފެން ބޮޑުވުމުން ފެން ހިންދުމުގެ މަސައްކަތް ސިފައިން ފަށައިފި އެވެ.
ފާއިތުވެދިޔަ 24 ގަޑިއިރުގެ ތެރޭގައި މާލެއަށް 136.5 މިލިމީޓަރުގެ ވާރޭ ވެހުނު ކަމަށް މެޓް އޮފީހުން ލަފާކޮށްފައިވެ އެވެ.
ރޭ މެދުނުކެނޑި މާލެއަށް ވާރޭވެހުމާއި ގުޅިގެން މާލޭގައި ފެންބޮޑުވެފައިވާއިރު އެމްއެންޑިއެފްއިން ވަނީ ފެން ހިންދުމުގެ މަސައްކަތް ފަށާފަ އެވެ. އެގޮތުން މާލޭގެ ފަސް ސަރަހައްދެއްގައި 16 ޕަމްޕު ބަހައްޓައިގެން ފެން ހިންދުމުގެ މަސައްކަތް ކުރަމުންދާކަމަށް އެމްއެންޑީއެފްއިން މައުލޫމާތު ދީފައިވެ އެވެ.
މީގެއިތުރުން ވާރޭވެހި ފެންބޮޑުވުމުން ބައެއް ގޭގެއަށް ފެންވަންނާތީ، ސިފައިން ދަނީ ވެލި ބަސްތާ ޖެހުމުގެ މަސައްކަތްވެސް ކުރަމުންނެވެ.
