ޑިފެންސް މިނިސްޓަރު ޣައްސާން މައުމޫން ރަސްމީ ދަތުރުފުޅެއްގައި އިންޑިއާއަށް ވަޑައިގަތުމުން ރަތް ދޫލައިގައި މަރުހަބާ ކިޔައިފި އެވެ.
ރަސްމީ ދަތުރުފުޅެއްގައި ޣައްސާން އިންޑިއާއަށް ވަޑައިގެންފައިވާއިރު ދެ ގައުމުގެ ދެމެދުގައި ކުރިއަށްގެންދާ މަޝްވަރާތައް މިއަދު ކުރިއަށް ގެންގޮސްފައިވެ އެވެ.
ޣައްސާން އިންޑިއާއަށްވާ ދަތުރުފުޅަކީ ތިން ދުވަހުގެ މުއްދަތަށް ކުރައްވާ ދަތުރުފުޅެކެވެ.
މިއީ ޑިފެންސް މިނިސްޓަރުގެ މަގާމާ ޣައްސާން ހަވާލުވެވަޑައިގެންނެވިފަހުން ޑިފެންސް މިނިސްޓަރުގެ ހައިސިއްޔަތުން އިންޑިއާއަށް ކުރައްވާ ފުރަތަމަ ދަތުރުފުޅެވެ.
ރާއްޖެއާއި އިންޑިއާގެ ގުޅުން ބަދަހިކުރުމަށް ސަރުކާރުން މަސައްކަތް ކުރަމުންގެންދާއިރު، ފޮރިން މިނިސްޓަރު ޚަލީލްވެސް މިފަހުން ވަނީ އިންޑިއާއަށް ވަޑައިގެންފަ އެވެ.
