މާލޭގައި ފެންބޮޑުވެ 7 ގެއެއްގެ މީހުންނަށް ވަގުތީ ބޯހިޔާވަހިކަން ފޯރުކޮށްދީފި އެވެ.
ރެއާއި މިއަދު މާލެއަށްވާރޭވެހި ވަނީ ވަރަށް ބޮޑަށް ފެންބޮޑުވެފަ އެވެ.
އެގޮތުން ނެޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ) އިން ބުނެފައިވަނީ މާލެއަށް ކުރި ވިއްސާރާގައި ފެންބޮޑުވުމުގެ ސަބަބުން 7 ގޭބިސީއެއްގެ 44 މީހަކަށް އެއް ދުވަހަށް ވަގުތީ ބޯހިޔާވަހިކަމާއި ކެއިން ބުއިންމުގެ އިންތިޒާމު ހަމަޖައްސާދީފައިވާ ކަމަށެވެ.
މިފަރާތްތައް ބަދަކުކުރެވުނީ މިގެތަކުގެ ފާހާނާތަކުން ނަޖިސް ލީކުވުމާއި ކައްކާ ކައިބޮއެ ހެދުމަށް ބުރޫއަރާ، އާންމު ދިރިއުޅުމަށް ހުރަސްއެޅިފައިވާ ހާލަތަށް ގޮސްފައިވާތީ ކަމަށްވެސް އެންޑީއެމްއޭއިން ބުނެފައިވެ އެވެ.
މީގެއިތުރުން ބޯކޮށް ވާރޭވެހި މާލޭގައި ފެންބޮޑުވެގެން ވެލިބަސްތާ ޖެއްސުމާއި ފެން ހިއްކުމުގެ މަަސައްކަތް ސިފައިންނާއި ފުލުހުން އަދި ސިޓީ ކައުންސިލް ގުޅިގެން ކުރަމުންދާ ކަމަށާއި އަދި ގޭބިސީތަކުގެ ހާލަތު ގާތުން މޮނިޓާ ކުރަމުންދާ ކަމަށްވެސް އެންޑީއެމްއޭއިން މައުލޫމާތު ދީފައިވެ އެވެ.
