ޑިމޮކްރެޓްސްގެ ރައީސް ހަސަން ލަތީފް މަގާމުން އިސްތިއުފާ ދެއްވައިފި އެވެ.
ހަސަން މަގާމުން އިސްތިއުފާދެއްވިކަން ހާމަކުރައްވާފައިވަނީ އެޕާޓީގެ ވަޓްސްއެޕް ގްރޫޕަކަށް ފޮނުވި މެސެޖެއްގަ އެވެ.
ހަސަން ޑިމޮކްރެޓްސްގެ ރައީސްކަމުން އިސްތިއުފާ ދެއްވިއިރު ޕާޓީގެ ނައިބުރައީސްގެ މަގާމުގައި ހުންނެވި މުހައްމަދު ޝިފާޒްވެސް ވަނީ މަގާމުން އިސްތިއުފާ ދެއްވާފަ އެވެ.
ޝިފާޒްގެ އިތުރުން، ރިޔާސީ އިންތިހާބުގައި ޑިމޮކްރެޓްސްގެ ކެނޑިޑޭޓްގެ ރަނިންމޭޓް، އެސްޓީއޯގެ ކުރީގެ މެނޭޖިން ޑިރެކްޓަރު ހުސެން އަމްރު އަދި ރައްޔިތުންގެ މަޖިލީހުގެ ކުރީގެ މެންބަރު އަލީ އާޒިމް ވަނީ އެމްޑީޕީއާ އަލުން ގުޅިވަޑައިގެންފަ އެވެ.
މައުލޫމާތު ލިބިފައިވާގޮތުގައި ހަސަން ލަތީފްވެސް މަގާމުން އިސްތިއުފާ ދެއްވާފައިވަނީ އެމްޑީޕީއާ ގުޅިވަޑައިގަތުމަށެވެ. ރައީސް މުއިއްޒުގެ ސަރުކާރާ ދެކޮޅަށް ޑިމޮކްރެޓްސް އަދި އެމްޑީޕީ ގުޅިގެން މަސައްކަތް ކުރާކަމުގެ އަޑުތަކެއް ފެތުރިފައިވާއިރު މިމަހުގެ 31 ވަނަ ދުވަހު އެމްޑީޕީން ވަނީ މަގުމަތީގެ ހަރަކާތްތަކަށް ނިކުތުމަށްވެސް ނިންމާފަ އެވެ.
