ހުޅުމާލެ ފޭސް 2 ގައި ހުރި ސްޓެލްކޯގެ ޓްރާންސްފޯމަރުތަކަށް ބަޔަކު ގެއްލުންދީފި އެވެ.
ސްޓެލްކޯގެ އެމްޑީ ހުސައިން ފަހުމީ މިއަދު ވިދާޅުވީ ޓްރާންސްފޯމަރުތަކަށް ބަޔަކު ގަސްދުގައި ގެއްލުންދީފައިވާ ކަމަށެވެ.
ފަހުމީ ތުހުމަތު ކުރެއްވި ގޮތުގައި ހައި ވޯލްޓޭޖު ޓްރާންސްފޯމަރުތަކަށް ގެއްލުންދީފައިވަނީ ޓްރާންސްފޯމަރުތަކުގެ އޮޕަރޭޝަންގެ ފަންނީ މައުލޫމާތު އެނގޭ ބައެކެވެ.
ޓްރާންސްފޯމަރުތައް ހުންނާނީ ބައުންޑަރީ ފާރު އަދި ޑަބަލް ލޮކް އެންކްލޯޒާތަކާއެކުކަން ފާހަގަކުރައްވާ ފަހުމީ ވިދާޅުވީ ގެއްލުން ދިން މީހުން ގޭޓުތައް ފަޅާލައި ތަޅުތައް ހަލާކުކޮށްލާފައިވާ ކަމަށެވެ.
މިފަދަ ކަންކަމަކީ ނުރައްކާތެރި ހާދިސާއެއްވެސް ހިނގާފާނެ ކަމެއްކަން ފަހުމީ ފާހަގަކުރެއްވި އެވެ. އަދި މިމައްސަލަ ބަލަމުންދާކަމަށްވެސް ފަހުމީ ވިދާޅުވި އެވެ.
