ރައީސް ޑރ. މުހައްމަދު މުޢިއްޒު ރަސްމީ ދަތުރުފުޅެއްގައި މިއަދު އެސްޓޯނިއާއަށް ވަޑައިގެންފި އެވެ.
ރައިސް މުއިއްޒު އެސްޓޯނިއާއަށް ކުރައްވާ މި ދަތުރުފުޅަކީ އެސްޓޯނިއާގެ ރައީސް ޑރ. އަލާރް ކަރިސްގެ ދައުވަތަކަށް ކުރައްވާ ދަތުރުފުޅެކެވެ.
ރައީސް މުއިއްޒުގެ މި ދަތުރުފުޅަކީ ދެގައުމުގެ ގުޅުން ބަދަހިކުރުމަށް އަދި އެކުގައި ކުރިއަށްދެވޭނެ މަގުތައް ހޯދުމަށް ކުރައްވާ ދަތުރުފުޅެއް ކަމަށެވެ. އެގޮތުން ޑިޖިޓަލް، ސައިބާ އަދި އީ-ގަވަމެންޓްގެ ދާއިރާތަކުންނާއި މޫސުމީ ބަދަލުތައް، ސައިންސް އަދި ތައުލިމީ ދާއިރާއާ ގުޅޭގޮތުން މަޝްވަރާ ކުރެވޭނެ ކަމަށް ރައީސް އޮފީހުން މައުލޫމާތުދެ އެވެ.
ރައީސް މުއިއްޒުގެ މިދަތުރުފުޅުގައި އެސްޓޯނިއާގެ ރައީސް އަދި މަޖިލީހުގެ ރައީސްގެ އިތުރުން ބައެއް މިނިސްޓަރުންނާ ބައްދަލުކުރެއްވުމަށްވަނީ ހަމަޖެހިފަ އެވެ.
ރައީސް މުއިއްޒުގެ މި ދަތުރުފުޅަކީ މިމަހުގެ 16 ވަނަ ދުވަހުގެ ނިޔަލަށް ކުރައްވާ ދަތުރުފުޅެކެވެ.
މި ދަތުރުފުޅުގައި، ރައީސްގެ އަރިހުގައި ސަރުކާރުގެ މަތީ ފަންތީގެ ވަފުދެއް ބައިވެރިވެވަޑައިގަންނަވައެވެ. އަދި ރާއްޖޭގެ ފަންނިއްޔާތުގެ ދާއިރާގެ މާހިރުންގެ މައްޗަށް އެކުލެވިގެންވާ ވަފުދެއްވެސް މި ދަތުރުފުޅުގައި ބައިވެރިވެވަޑައިގަންނަވައެވެ.
