ކ.ތުލުސްދޫ ކައިރިން މޫދަށް އެރި އުޅުނު ފަތުރުވެރިއަކު ލޯންޗަކުން ޖެހި މަރުވެއްޖެއެވެ.
ފުލުހުން ބުނީ، މި ހާދިސާ ހިނގާފައި ވަނީ މިއަދު 11:10 ހާއިރު ކަމަށާއި، ހާދިސާގައި މަރުވެފައި ވަނީ އުމުރުން 52 އަހަރުގެ ފިރިހެނެއް ކަމަށެވެ.
މި މީހާ މޫދަށް އެރި އުޅުނީ ތުލުސްދޫ ކައިރީ އޮންނަ ފަޅުރަށެއް ކަމަށްވާ ކުޑަވިގިލި ކައިރީ އޮންނަ ކަނޑުއޮޅިއާ ދިމާއަށް ކަމަށްވާއިރު، ހާދިސާގައި އޭނާއަށް ބޮޑެތި ގެއްލުންތަކެއް ވަނީ ލިބިފައެވެ. އަދި ތުލުސްދޫ ސިއްހީ މަރުކަޒަށް އޭނާ ގެންދިޔަ އިރުވެސް އޮތީ މަރުވެފައެވެ.
