ކުރިޔަށް އޮތް ރިޔާސީ އިންތިހާބުގައި އަދާލަތު ޕާޓީން ރައީސް ސޯލިހުއަށް ތާއީދު ކުރައްވައި، އެމްޑީޕީއާއެކު ކޯލިޝަން ހެއްދެވުމަށް ނިންމެވުމުން އެކަމަށް ރައީސް ސޯލިހު މަރުހަބާ ދަންނަވައިފިއެވެ.
ރައީސް ސޯލިހު ކުރެއްވި ޓުވީޓެއްގައި ވިދާޅުވީ، 2023ގެ ރިޔާސީ އިންތިހާބުގައި އަދާލަތު ޕާޓީން އެމްޑީޕީއާ ގުޅިގެން ކުރިޔަށްދިއުމަށް ނިންމި ނިންމުމަށް މަރުހަބާ އާއި ޝުކުރުދަންނަވާ ކަމަށެވެ.
މީގެއިތުރުން ރައީސް ސޯލިހު ވިދާޅުވީ، ދިވެހިރާއްޖެއަށް ހަމަޖެހުމާއި އުފާވެރި މާދަމައެއް ހޯދައިދިނުމުގައި އަޅުގަނޑުމެން އެންމެން އެކީ ގުޅިގެން ކުރިއަށްދިޔުމަށް އެދޭ ކަމަށެވެ.
މިހާރު ވެރިކަން ކުރަމުން އަންނަ ކޯލިޝަންގައި ހިމެނޭ ޖޭޕީ އާއި އެމްއާރްއެމްއަށް ވެސް ރައީސް ސޯލިހު ވަނީ ކުރިޔަށް އޮތް ރިޔާސީ އިންތިހާބުގައި އެމަނިކުފާނަށް ތާއީދު ކުރައްވައި، ކޯލިޝަން ހެދުމަށް މަޝްވަރާ ކުރުމަށް އެދި ސިޓީއެއް ފޮނުވާފައެވެ.
