ގުރައިދޫ ދާއިރާގެ ބައި-އިލެކްޝަންގެ ވޯޓުލުން 5 ޖެހުމާ ހަމަޔަށް ކުރިޔަށް ގެންދިޔުމަށް އިލެކްޝަންސް ކޮމިޝަނުން ނިންމައިފިއެވެ.
އިލެކްޝަންސް ކޮމިޝަނުން ބުނީ، މޫސުން ގޯސްވުމުގެ ސަބަބުން ވޯޓުލާ މުއްދަތު ހަވީރު 5 ޖެހުމާ ހަމަޔަށް ކުރިޔަށް ގެންދިޔުމަށް ނިންމާފައިވާ ކަމަށެވެ.
ގުރައިދޫ ދާއިރާގެ ވޯޓުލުން މިއަދު ހެނދުނު 8 ޖެހިއިރު ފަށާފައިވާއިރު، ވޯޓުލުން ކުރިޔަށްދަނީ އެ ދާއިރާގައި ހިމެނޭ ކ،މާފުށި، ކ.ގުރައިދޫ އަދި ކ.ގުޅީގެ އިތުރުން މާލޭގައި ބަހައްޓާފައި ހުރި ވޯޓު ފޮށީގައެވެ.
މި އިންތިހާބުގައި ވާދަކުރައްވަނީ އެމްޑީޕީގެ އިބްރާހިމް ޝާޒް އާއި ޕީޕީއެމްގެ ހުސެއިން ރިޒާ އާދަމް އާއި އެމްއެންޕީގެ އަލީ އަރީފެވެ.
