ސިޔާ ފްލެޓަށް މަހު ކުލީގެ ގޮތުގައި ދައްކަން ޖެހޭ އަދަދަށް ހެޔޮ ބަދަލެއް ގެންނަން ސަރުކާރުން ނިންމައިފިއެވެ.
ނޫސްވެރިންނާ ބައްދަލުކުރައްވާ ރައީސް އިބްރާހިމް މުހައްމަދު ސޯލިހު ވިދާޅުވީ، ހިޔާގެ ކުއްޔާ ގުޅޭގޮތުން ހިޔާ ޔޫނިއަންއާއެކު މަޝްވަރާތަކެއް ކުރެވިފައިވާ ކަމަށާއި، ހިޔާގެ ކުއްޔަށް ލުއި ގޮތެއް ހޯދައިދޭން ސަރުކާރުން ނިންމާފައިވާ ކަމަށެވެ. ނަމަވެސް އެކަމާ ގުޅޭ ތަފްސީލެއް ރައީސް ނުދެއްވައެވެ.
މައުލޫމާތު ލިބިފައިވާ ގޮތުގައި ސަރުކާރުން ނިންމާފައި ވަނީ ހިޔާ ފްލެޓްތަކުގެ އިންސްޓޯލްމަންޓް މުއްދަތު އިތުރުކޮށް، މިހާރު ކުއްޔަށް ނަގަމުން އަންނަ 7،500 ރުފިޔާ 5،300 އަށް ކުޑަކުރުމަށެވެ.
މިކަމާ ގުޅޭގޮތުން އާބަންކޯ އިން ބުނީ ހިޔާ ފްކެޓްތަކުގެ ކުލި ކުޑަކުރުމުގެ މަޝްވަރާތައް އެ ކުންފުންޏާއި ރައީސް އޮފީހާއި ހައުސިން މިނިސްޓްރީ ގުޅިގެން ކުރިއަށް ގެންދާ ކަމަށާއި، އަދި މިކަމުގައި ހެޔޮ ބަދަލެއް އަންނާނެ ކަމަށެވެ.
