ކުރިޔަށް އޮތް ރިޔާސީ އިންތިހާބުގެ ކެމްޕޭނަށް ތައްޔާރުވުމުގެ ގޮތުން އެމްޑީޕީން ކެމްޕޭނަށް ބޭނުންވާ މައުލޫމާތު ހޯދުމަށް ރާއްޖޭގައި މީހުން ދިރިއުޅޭ ހުރިހާ ރަށަކަށް ކުރާ ދަތުރު ފައްޓައިފިއެވެ.
އެމްޑީޕީން ބުނީ، މި މަހުގެ 18 އިން 20 ވަނަ ދުވަހުގެ ނިޔަލަށް އެމްޑީޕީން ރަށްރަށަށް ކުރާ ދަތުރަކީ ފުރަތަމަ ފަހަރަށް ޖެހިޖެހިގެން ރިޔާސީ 2 ދައުރު ކާމިޔާބު ކުރުމަށް އެމްޑީޕީ ފަށާ ކެމްޕޭނަށް މަޢުލޫމާތު އެއްކުރުމަށް ކުރާ ދަތުރެއް ކަމަށެވެ.
މީގެއިތުރުން ތިލަދުންމަތިން ތުރާކުނުން ފެށިގެން އައްޑޫ ހިތަދޫއާ ދެމެދު ހުރިހާ ރަށެއްގައި 2023 ގެ މެނިފެސްޓޯއަށް ބޭނުންވާ މައުލޫމާތު އެއްކުރުމުގައި އެމްޑީޕީގެ ހާހަކަށްވުރެ ގިނަ މެންބަރުން ކުރިއަށް އޮތް ދެ ދުވަހު މަސައްކަތް ކުރާނެ ކަމަށާއި، މިވަފްދުތަކާ އަތޮޅުތަކުންވެސް މަންދޫބުން ގުޅިވަޑައިގަންނަވާނެ ކަމަށް އެމްޑީޕީން ބުނެއެވެ.
