އަމީނީ މަގު ޒަމާނީ ފެންވަރަށް ތަރައްގީކުރުމުގެ މަޝްރޫއުގެ ދަށުން ސެގްމަންޓް 8 ގެ މަސައްކަތް އާރްޑީސީން ފަށައިފިއެވެ.
އާރްޑީސީން ބުނީ، ބިލަބޮންގ ސްކޫލްއާ ހިސާބުން ފެށިގެން ގަލޮޅު ޕޮލިސް ސްޓޭޝަނާ ހަމަޔަށް ވަނީ މަގު ހެދުމަށް ބަންދުކޮށްފައި ކަމަށާއި، މާފަންނު ސްޓޭޑިއަމްއާ ހިސާބަށް ކުރިން ބަންދުކުރަން ކުރިން ނިންމި ނަމަވެސް އެ ނިންމުން ބަދަލުކުރީ އެ ސަރަހައްދުގައި ގިނަ އޮފީސްތަކާއި ސްކޫލްތައް ހުރުމުން ލުއިފަސޭހަކުރުމުގެ ގޮތުން ކަމަށެވެ.
އަމީނީ މަގު ހެދުމުގެ މަޝްރުއުގައި 13 ސެގްމަންޓް ހިމެނޭއިރު، އޭގެ ތެރެއިން 7 ސެގްމަންޓްގައި ތާރު އަޅައި ޒަމާނީ ފެންވަރަށް ތަރައްގީކޮށް އާންމުންނަށް މިހާރު ވަނީ ހުޅުވާލާފައެވެ.
މި މަޝްރޫއުގެ ދަށުން 1.79 ކިލޯމީޓަރުގެ މަގުގައި ތާރު އަޅައި ޒަމާނީ ފެންވަރަށް ތަރައްގީކުރާނެއެވެ. އަދި މަޝްރޫއަށް 84.4 މިލިޔަން ރުފިޔާ ހަރަދުވާނެއެވެ.
