ކުރިޔަށް އޮތް ރިޔާސީ އިންތިހާބުގައި އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހު ބޭނުންކުރައްވާނެ ޝިއާރަކީ "އުފާވެރި އަމާންރާއްޖެ" ކަމަށް ކަނޑައަޅައިފިއެވެ.
ރައީސް ސޯލިހުގެ ކެމްޕޭން ޝިއާރު "އުފާވެރި އަމާންރާއްޖެ" ހިމެނޭ ފޮޓޯތައް ސޯޝަލް މީޑިއާގައި މިހާރު ދައުރުވަމުން އަންނައިރު، ރައީސް ސޯލިހުއަށް ތާއީދު ކުރައްވާ ގިނަ މީހުން އަންނަނީ އެ ޝިއާރު ހިމެނޭ ފޮޓޯ ސޯޝަލް މީޑިއާގެ އެކި ޕްލެޓްފޯމްތަކުގެ ޕްރޮފައިލް އަދި ކަވަރ އަށް ލަމުންނެވެ.
#NewProfilePic pic.twitter.com/Mk9PmbgWF5
— Fayyaz Ismail (@faya_i) July 2, 2023
އީދު ބަންދަށް ފަހު ރައީސް ސޯލިހުގެ ކެމްޕޭން ރަސްމީކޮށް ފައްޓާނެކަން އިއުލާން ކޮށްފައިވާއިރު، ކެމްޕޭން ރަސްމީކޮށް ފެއްޓުމަށް ވާން ޖެހޭ އެންމެ ފަހުގެ ތައްޔާރީތައް އެމްޑީޕީން އަންނަނީ ވަމުންނެވެ.
އަންނަ ސެޕްޓެމްބަރު މަހުގެ 9 ވަނަ ދުވަހު އޮންނަ ރިޔާސީ އިންތިހާބުގައި އެމްޑީޕީއާއެކު އަދާލަތު ޕާޓީގެ އިތުރުން އެމްޑީއޭ އިން ވަނީ ކޯލިޝަން ހަދާފައެވެ.
