ކުރިޔަށް އޮތް ރިޔާސީ އިންތިހާބުގައި އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހުގެ ކެންޑިޑެސީ ފޯމް އިލެކްޝަންސް ކޮމިޝަނަށް ހުށަހަޅުއްވައިފިއެވެ.
މިއަދު ހެނދުނު އިލެކްޝަންސް ކޮމިޝަންގައި ބޭއްވި ރަސްމިއްޔާތެއްގައި ރައީސް ސޯލިހުގެ ކެންޑިޑެސީ ފޯމް އިލެކްޝަންސްއާ ހަވާލުކޮށްދެއްވީ އެމަނިކުފާނުގެ އިންތިހާބީ އެޖެންޓަކަށް ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު މުހައްމަދު ނާޝިޒްއެވެ. އަދި އީސީގެ ފަރާތުން އެ ފޯމާއި ހަވާލުވެވަޑައިގެންނެވީ އީސީގެ ރައީސް ފުއާދް ތައުފީގެވެ.
ރައީސް ސޯލިހުގެ ކެންޑިޑެސީ ފޯމް އިލެކްޝަންސްއަށް ހުށަހަޅުއްވާފައިވާއިރު، ރައީސްގެ ރަނިން މޭޓެއް ގޮތުގައި ހުށަހަޅުއްވާފައި ވަނީ ހިތަދޫ އުތުރު ދާއިރާގެ މެމްބަރު މުހައްމަދު އަސްލަމެވެ.
