ރައީސް ޑރ.މުހައްމަދު މުއިއްޒުގެ ދެކަނބަލުންނާއި އާއިލާ މުލިއާގެއަށް ބަދަލުވެވަޑައިގަންނަވާނީ އަންނަ ޑިސެމްބަރު މަހު ކަަމަށް މައުލޫމާތު ލިބިއްޖެއެވެ.
ރައީސް އޮފީހުން ބުނީ، މުލިއާގެ މަރާމާތުކޮށް ނިމެންދެން ޑރ.މުއިއްޒު ދިރިއުޅުއްވާނީ އަމިއްލަ ގެކޮޅު މ.ދިމްޔާތުގައި ކަމަށެވެ. ނަމަވެސް މުލިއާގޭގެ މަރާމާތާ ގުޅޭ އިތުރު ތަފްސީލެއް ހާމަކޮށްފައެއް ނުވެއެވެ.
މީގެއިތުރުން ހިލާލީގެ މަރާމާރުކޮށް ނިމުމުން ނައިބްރައީސް ހުސެއިން މުހައްމަދު ލަތީފް އެ ގެކޮޅަށް ބަދަލުވެވަޑައިގަންނަވާނެ ކަމަށް ރައީސް އޮފީހުން ބުނެއެވެ. އެމަނިކުފާނު މިހާރު ދިރިއުޅުއްވަމުން ގެންދަވަނީ އަމިއްލަ ގެކޮޅުގައެވެ.
