ސަރުކާރުގެ އިދާރީ އޮނިގަނޑަށް ޑރ.މުހައްމަދު މުއިއްޒުގެ ސަރުކާރުން ގެނައި ބަދަލާއެކު އިމިގްރެޝަނާއި، ނެޝަނަލް ޑްރަގް އެޖެންސީ (އެންޑީއޭ) އަދި ޑިޕާޓްމަންޓް އޮފް ނެޝަނަލް ރަޖިސްޓްރޭޝަން (ޑީއެންއާރް) ގެ ހިދުމަތްތައް ހޯމް މިނިސްޓްރީގެ ދަށަށް ބަދަލުކުރައްވައިފިއެވެ.
ރައީސް އޮފީހުން ބުނީ، ސަރުކާރުގެ އިދާރީ އޮނިގަނޑަށް ގެނައި ބަދަލާއެކު މޯލްޑިވްސް އިމިގްރޭޝަން، ޑީއެންއާރް، ނޭޝަނަލް ސެންޓަރ ފޮރ އިންފޮމޭޝަން ޓެކްނޯލޮޖީ، އެންޑީއޭ އަދި ޑިޕާޓްމަންޓް އޮފް ޖުވެނައިލް ޖަސްޓިސްގެ ހިދުމަތްތައް ދެމުންގެންދާނީ ހޯމް މިނިސްޓްރީގެ ދަށުން ކަމަށެވެ.
މީގެ ކުރިން އެންޑީއޭ ބަލަހައްޓަމުން ދިޔައީ ހެލްތު މިނިސްޓްރީން ކަމަށްވާއިރު، ޑީއެންއާރްގެ ހިދުމަތް ދެމުން ގެންދިޔައީ ހައުސިން މިނިސްޓްރީންނެވެ. އަދި އިމިގްރޭޝަން ކުރިން ބަލަހައްޓަމުން ދިޔައީ ޑިފެންސް މިނިސްޓްރީންނެވެ.
