ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ޕީޕަލް ނެޝަނަލް ފްރޮންޓް (ޕީއެންއެފް) އުފެއްދުމުގެ ހުއްދައަށް އިލެކްޝަންސް ކޮމިޝަންގައި އެދިއްޖެއެވެ.
ޔާމީންގެ އައު ޕާޓީ އުފެއްދުމުގެ ހުއްދައަށް އިލެކްޝަންސް ކޮމިޝަންގައި މިއަދު އެދިފައިވާއިރު، ޕާޓީ އުފައްދަނީ ޔާމީންގެ ދަރިކަލުން ޒެއިން ޔާމީންގެ ނަން މަތީގައި ކަމަށް ވަނީ މައުލޫމާތު ލިބިފައެވެ.
ޕީއެންއެފް އުފެއްދުމުގެ ހުއްދައަށް މިއަދު އެދުމުގެ ކުރިން ރޭ ވަނީ އެ ޕާޓީގެ ލޯގޯ އާއި ނަން ހާމަކޮށްފައެވެ. އަދި ޕާޓީގެ ހުރިހާ ސޯޝަލް މީޑިއާ އެކައުންޓްތައްވެސް ރޭ ވަނީ ހާމަކޮށްފައެވެ.
ޔާމީން އިސްވެ ހުންނަވައިގެން އައު ޕާޓީއެއް އުފެއްދުމުގެ މަސައްކަތް ފަށާފައިވަނީ، ޕީޕީއެމްގެ ކޮންޓްރޯލް ޔާމީނަށް ގެއްލުމުންނެވެ. މިގޮތުން ޔާމީން ވަނީ ޕީޕީއެމްއިން ވަކިވެ، އޭނާއަށް ސަޕޯޓްކުރައްވާ ހުރިހާ ބޭފުޅުން އަލަށް އުފައްދަވާ ޕާޓީއާ ގުޅިވަޑައިގަތުމަށް އެދިފައެވެ.
