އާބަންކޯގެ ސީއެސްއާރްގެ ދަށުން ދަރިވަރުންނާއި ބެލެނިވެރިންނަށް ފަސޭހަވާނެހެން ރެހެންދި ސްކޫލްގެ ބޭރުގައި ކެނޮޕީއެއް ބެހެއްޓުމުގެ މަސައްކަތް ފަށައިފިއެވެ.
އާބަންކޯއިން ބުނީ، އެ ކުންފުނީގެ ސީއެސްއާރްގެ ދަށުން ރެހެންދީ ސްކޫލްގެ އެދުމުގެ މަތިން އެ ސްކޫލްގެ ބޭރުގައި ބެލެނިވެރިން އާންމުކޮށް މަޑޮކޮށްގެން ތިބޭ ސަރަހައްދު ހިޔާކުރަމުގެ މަސައްކަތް މިހާރު ދަނީ ކުރަމުން ކަމަށާއި، މިގޮތުން ގާއިމު ކުރެވޭ ކެނޮޕީގެ ބޭނުމަކީ ދަރިވަރުން ގެންގޮސް އަދި ބަލައިދާ ބެލެނިވެރިންނަށް މޫސުން ގޯސްވާ ދުވަސްތަކުގައި ހޫނު ގަދަ ދުވަސްވަރު ހިޔަލުގައި މަޑުކޮށްލެވޭނެ ގޮތެއް ފަހިކޮށްދިން ކަމަށެވެ.
އާބަންކޯގެ ފަރާތުން ހުޅުމާލޭގައި ދިރިއުޅޭ ރައްޔިތުންނާއި، ހުޅުމާލޭގައި ޤާއިމުކޮށްފައިވާ އެކި އޮފީސް އަދި ސަރުކާރު ވުޒާރާތަކަށް ބޭނުންވާނެ ގިނަ ކަންތައްތަކެއް އަބަދުވެސް އެ ކޯޕަރޭޝަންގެ ސީއެސްއާރްގެ ދަށުން ކުރަމުން އަންނައިރު، އެފަދަ ކަންކަން ކުރުމުގައި ހުޅުމާލޭގައި ހުންނަ ސްކޫލުތަކަށް އަބަދުވެސް ހާއްސަ އަހައްމިއްޔަތު ކަމެއް ދީގެން ގިނަ މަސައްކަތްތަކެއް ވަނީ ކުރެވިފައި ކަމަށް އާބަންކޯއިން ބުނެއެވެ.
